Y Datblygiad
Mae sawl cwmni wedi cyfrannu at y datblygiadau mwyaf diweddaraf yn Nant Gwrtheyrn:
Cafodd tri cwmni pensaerniol eu gwahodd i gyflwyno eu syniadau nôl yn 2006, ac fe apwyntiwyd
James, Jenkins a Thomas o Aberystwyth i ymgymryd â’r gwaith o gynllunio ac ailddylunio’r adeiladau sydd wedi eu rhestru a’r estyniad newydd.
Yn dilyn proses tendro cystadleuol, fe apwyntiwyd
R.L. Davies, cwmni teuluol o Fae Colwyn, fel y prif gontractwyr adeiladu.
Mae
Headland Design yn gwmni o Farndon, yn Swydd Gaer, ac fe’u hapwyntiwyd i ddehongli treftadaeth y safle yn llwyddiannus fel rhan o brosiect adnewyddu a datblygu. Cynhyrchodd Headland Gynlluniau Gweithgaredd a Dehongliadol a fyddai cefnogi’r cais llwyddiannus i’r HLF.
Yn y gorffennol, byddai sawl person yn gweld gyrru i lawr i’r Nant fel profiad digon brawychus – gan nad oedd lle i ddau gar basio eu gilydd yn rhwydd.
Fe apwyntiwyd
Capita Symonds gan Ymddiriedolaeth Nant Gwrtheyrn er mwyn llwyddo i gael caniatad cynllunio ac i ddylunio ac arolygu’r prif welliannau i’r ffordd gan
Jones Bros o Rhuthun (a fu hefyd yn gyfrifol am adeiladu’r ffordd flaenorol i lawr i’r Nant yn 1978). Mae’r ffordd newydd bellach yn addas ar gyfer coetsys a loriau mawrion ac fe agorwyd yn swyddogol gan Ieuan Wyn Jones, Dirprwy Prif Weinidog y Cynulliad ym mis Mawrth 2008.
Er mwyn cwblhau’r rhan yma o’r datblygiad, fe ail-darmacwyd y ffordd ym mis Tachwedd 2010 ac o ganlyniad mae’n llawer haws a llai brawychus i gyrraedd neu adael y Nant mewn car neu mewn bws.
