Lleoliad
Mae Nant Gwrtheyrn yn gallu darparu cyfleusterau ar gyfer cynadleddau, cyfarfodydd, digwyddiadau, ciniawa, partïon neu achlysuron cymdeithasol:
- Mae lle i 150 eistedd yn y neuadd fawr am bryd o fwyd, a lle i 200 ar gyfer cyngerdd neu hyfforddiant, gyda’r cadeiriau wedi eu gosod yn rhesi.
- Mae lle i hyd at 60 eistedd yn y caffi gydag ychwaneg o le i eistedd allan ar y teras.
- Mae drysau o’r caffi a’r brif neuadd yn agor allan ar deras haul lle ceir golygfeydd trawiadol o’r bae.
Gellir rhannu’r brif neuadd yn dair stafell a cheir gwanhad acwsteg digonol i fedru cynnal dau neu dri chyfarfod yr un pryd neu gyfarfod yn un rhan o’r neuadd gyda chyfleusterau bwyta yn y llall.
Gall grwpiau mwy ddefnyddio’r capel gerllaw a Chanolfan Addysg y Plas yn ogystal, lle ceir stafelloedd ar gyfer 60, 20 neu 15 o gynrychiolwyr.
Gellir aros mewn
stafelloedd gwely 4* en suite yn y pentref dros nos ac mae prydau o fwyd cartref yn defnyddio cynnyrch lleol ar gael yng
Nghaffi Meinir gyda nifer o ddewisiadau ar y fwydlen.
Adnoddau ar y safle
Mae adnoddau ar gael ar gyfer cynadledda a chyfarfodydd, yn amrywio o
fyrddau gwyn rhyngweithiol a
thaflunwyr i
siartiau fflip, yn ogystal â
systemau sain a goleuo. Mae
cysylltiad WiFi ar gael am ddim yn y brif neuadd a’r caffi, a cheir cysylltiad â’r rhyngrwyd trwy gêbl yn y neuadd hefyd.
Mae
system glywed dolen wedi’i gosod yn y brif neuadd ac mae system symudol ar gael ar gyfer stafelloeddd eraill. Gall
defnyddwyr cadeiriau olwyn fynd i bob adeilad a theithio ar hyd pob llwybr ar y safle a cheir lifft yn adeilad y Plas. Mae llety gyda chyfleusterau stafell wlyb ar gyfer pobl llai abl ar gael hefyd.
Staff wrth law i helpu!
Y mae pob digwyddiad yn y Nant yn unigryw a bydd ein staff profiadol yn helpu i gynllunio a rheoli eich digwyddiad chi. Ambell waith mae’n bosibl y cynhelir mwy nag un digwyddiad yr un pryd ac y bydd ymwelwyr dyddiol ar y safle hefyd, felly mae angen i ni fod yn rhan o gynllunio gofalus ar gyfer pob digwyddiad yn y Nant.
Cysylltwch â Mair ar 01758 750 334 neu e-bostiwch
mair@nantgwrtheyrn.org i drafod y posibiliadau os gwelwch yn dda.