Cynadleddau

Cynadleddau, Cyfarfodydd a Dyddiau Hyfforddiant

Neuadd newydd y Nant ydy’r lle delfrydol i gynnal cynhadledd, cyfarfod neu ddiwrnod hyfforddiant mewn lleoliad trawiadol. Mae’r cyfuniad o lety o safon uchel, adnoddau gwerth chweil a llonydd perffaith heb ddim i darfu arnoch chi yn creu lleoliad unigryw a chofiadwy ar gyfer amrywiaeth o fudiadau.

Bydd cyrsiau hyfforddiant rheolaeth yn manteisio ar y lleoliad gwledig ac yn cynnal gemau a thasgau ar ein safle 250 erw, sy’n cynnwys ein traeth a’n coedwig ein hunain, yn ogystal â llwybrau ar hyd yr arfordir.

Gellir gosod y brif neuadd a’r stafelloedd cyfarfod eraill mewn nifer o batrymau eistedd gwahanol, yn amrywio o gadeiriau wedi eu gosod o gwmpas bwrdd, mewn rhesi yn null theatr, neu yn null stafell ddosbarth, a cheir stafelloedd addas ar gyfer grwpiau yn amrywio yn eu maint o 10 i 200.

Y mae cyfarfodydd ganol wythnos ar gyfer 20-50 o gyfranogwyr yn arbennig o addas ar gyfer y Nant a gellir eu cynnal gyda stafelloedd ar wahân ar gyfer cynadledda a bwyta, a llety 4*.

Cerdyn cyfraddau ar gyfer cyfarfodydd a chynadleddau

Llogi 'Stafell yn Nant Gwrtheyrn - Neuadd y Nant, Y Capel a'r Plas

Adeilad	Neuadd y Nant	Capel	Plas

Ystafell	Y Neuadd Fawr	Neuadd Fach	'Stafell Rhys	Prif Ystafell	Ystafell Ddysgu 1*	Ystafell Ddysgu 2*
Nifer (Theatr)	150	100	80	60	30	20
Nifer ('Board room')	70	50	40	30	20	15
Diwrnod llawn	£200	£150	£140	£100	£80	£70
Hanner diwrnod	£120	£90	£80	£60	£50	£40

• *Mae argaeledd 'stafelloedd dysgu yn ddibynnol ar drefniadau Cyrsiau Iaith Y Nant
  
  
• Mae y nifer o leoedd wedi eu tanosod ac wedi eu nodi mewn perthynas i'r dewisiadau arlwyo perthnasol
  
  
• Cyfradd 24 awr ar gyfer mynychwyr cynadleddau yn cychwyn o £65 + TAW y pen ar gyfer grwpiau o 20 neu fwy
  
  
• Nid oes TAW ar gostau llogi ystafelloedd