Atodiadau

Gostyngiad stafell sy’n cael ei rhannu

Mae prisiau’r stafelloedd wedi eu pennu ar sail un person mewn stafell. Lle bydd myfyrwyr yn rhannu naill ai stafell gyda gwely dwbl neu stafell gyda phâr o welyau, ceir gostyngiad o £40 y person ar gyfer cwrs 5 niwrnod ac £20 y person ar gyfer cwrs 3 diwrnod neu benwythnos. Dim ond pan fo myfyrwyr yn archebu stafell i ddau gyda’i gilydd y mae’r gostyngiad hwn ar gael.

Atodiad gwely dwbl

Codir yr atodiad bychan hwn os bydd ar fyfyriwr angen gwely mwy. Ei bwrpas ydy helpu i gwrdd â’r costau glanhau ychwanegol.

Noson ychwanegol

Os ydych chi’n teithio cryn bellter ac yn dymuno aros yn Nant Gwrtheyrn y noson cyn neu ar ôl y cwrs, fel rheol gellir gwneud hynny drwy drefniant ymlaen llaw. Nodwch eich anghenion ar eich ffurflen archebu.

Prydau ychwanegol

Os ydych chi am gyrraedd y Nant ar y dydd Sul cyn y cwrs, bydd brecwast Ffrengig ar gael i chi fore Llun, wedi’i gynnwys yn y pris. Yn yr un modd os ydych yn mynychu cwrs yn ddyddiol ac yn dymuno cael brecwast neu swper yn Nant Gwrtheryn, gellir gwneud hynny hefyd drwy drefniant ymlaen llaw. Bydd angen i chi roi 24 awr o rybudd i staff y Caffi.