Cwrs Dysgu Popeth

26-30 Mawrth, 2012

Yn syth o Gariad@Iaith! Rydyn ni'n falch o groesawu Ioan Talfryn, 'Popeth Cymraeg', i'r Nant eto i gynnig cwrs dwys sy'n defnyddio'r dulliau mwyaf arloesol mewn dysgu iaith.

Addas i bobl sydd wedi gwneud 6 mis neu fwy, mae’r cwrs hwn yn ddelfrydol ar gyfer dysgwyr sydd eisiau profiad cyflawn o ddysgu yn hytrach nag astudio gramadeg. Mewn cwrs Dadawgrymeg cyflwynir swp enfawr o iaith, ond mae’r gwersi wedi’u strwythuro fel bod y dysgwyr yn amsugno iaith, yn debyg iawn i’r ffordd mae plant yn dysgu. Stori ydy sylfaen y cwrs, ac mae’n defnyddio cerddoriaeth, gemau a gweithgareddau hwyliog. Erbyn diwedd y cwrs dylai’r dysgwr fod wedi cynyddu ei allu i ddeall Cymraeg llafar ac yn teimlo’n fwy hyderus wrth siarad yr iaith.

Os hoffech ddysgu mwy am y cwrs cysylltwch â Pegi (pegi@nantgwrtheyrn.org ) neu Llinos (llinos@nantgwrtheyrn.org ) 01758 750334.